,
تعال قربي ..
ما ابي اكثر من ايدينك..
في ايديني
خاطري احلم فيك
ولا تخاف!
جهزت أوراقي
والقلم!
وبكتب وش حلمت..
مثل ما قلت لي
لا تنسين !
وما نسيت ..
,
من عرفتك ما عاد للنهار في دنيتي معنى..
صار ليلي هو حياتي
أنتظر لحظة لقانا
وأتلحف طول ليل البرد بحنيني..
مدري كيف عشت قبلك سنيني!
هو صحيح انك خيال بعيد عني..
ولا بلمسه!
لكنه صار مثل الهوا اللي أتنفسه!
,
تدري وش معنى شتا..
كل يوم بعيد عنك عشته
أحبك..
و لا تسأل من متى..
أحبك؟؟
ايه احبك!
وأدري انه قرار قاسي..
اني أحب!!
وأكتم احساسي
ولا ألقاك!
أو أعيش عمري معاك
,
بس يكفيني أحلم
ولا أحد بيمنعني
بعيش الحلم
وأرسم آمالي
حتى لو قالو عنك وهم
ابتدعته من خيالي
انت اقرب للملاك!
,
من يا ترى مثلي يحلم فيك
وليله ما ينام
ولو غفا ما حس في نفسه!
وصار يهمس باسمك همس
وان صحى من كثر ما الدفا حس
ما عاد يذكر
وش حلم؟
كل اللي يذكره ان اسمك على لسانه وبس
ويتبعه حروف اسمك اللي
ترتجف على شفاهه و دموع
تعال!
شوف دمعي
يا ترى بتمسحه؟
يا ترى الدنيا تدور وتصير قربي
تهون على قلبي
والصدر يرتاح من أنين بيذبحه!
,
حبيبي
تدري وش اللي اكتشفته؟
اني ابد.. حلمي ما نسيت
كل الحكاية اني أعيشك
كل لحظة حلم
كل لحظة حلم
وما صحيت!
ليست هناك تعليقات:
إرسال تعليق